«ҳудудий электр тармоқлари» тегли мақолалар
Ўзбекистонда истеъмолчиларга электроэнергия узилишларидан кўрган зарарини қоплаб бериш режалаштирилмоқда
Ўзбекистонда электр энергияси етказиб бериш бўйича намунавий шартномага ўзгартиришлар киритилиши режалаштирилмоқда. Улар аҳоли ва тадбиркорларга электр энергияси таъминотидаги узилишлар оқибатида кўрган зарари учун суд орқали компенсация ундириш имконини беради.
Нега электр ҳисоблагич тармоқдан автоматик узиб қўяди? Энергетика вазирлиги жавоби
1 ноябрдан Ўзбекистонда 10−15 кВтгача энергия истеъмоли чегараси жорий этилди. Чегарадан ошиб кетганда «ақлли» ҳисоблагичлар автоматик равишда тармоқдан узади. Энергетика вазирлиги ушбу чекловлар нега киритилгани ва ҳозирда нима сабабдан вақтинча бекор қилинганини тушунтирди.
Ўзбекистонда электр энергиясини ҳисоблаш бўйича янги биллинг тизими 2024 йил охиригача жорий этилади
Ўзбекистон президенти 2024 йил охиригача «Ҳудудий электр тармоқлари» корхоналарида аҳолига етказиб бериладиган электр энергиясини ҳисобга олишнинг янги биллинг тизимини ишлаб чиқиш ва жорий этиш бўйича топшириқ берди.
Тошкентнинг еттита туманида электр энергияси таъминотида вақтинчалик чеклов жорий этилди
Энергетика тизимидаги юк ортиши муносабати билан Тошкентнинг еттита туманида электр энергиясини етказиб беришда вақтинчалик чекловлар жорий этилди. Тарқатиш пунктлари совиганидан сўнг электр таъминотини тиклаш режалаштирилган.
Тошкентнинг уч туманида электр таъминоти вақтинча ўчирилади
Жума куни пойтахтнинг Яшнобод, Юнусобод ва Чилонзор туманларидаги айрим ҳудудларда электр таъминоти вақтинча тўхтатилади.
«Электр тармоқларини янгилаш ишлари жазирама ёзда бошлангани йўқ» — «ҲЭТ» корхонаси масъули
«Ҳудудий электр тармоқлари» корхонаси Тошкент филиали директори ўринбосари Бекзод Кулибаев шаҳар электр таъминотида кузатилаётган узилишлар сабаблари, режали таъмирлаш ишлари ва авариявий ҳолатлар бўйича маълумот берди.
Миробод тумани ҳокими «ҲЭТ»нинг Тошкент шаҳри филиалига бош директор бўлди
Миробод тумани ҳокими сифатида ишлаб келган Шухрат Пулатов «Ҳудудий электр тармоқлари» АЖ Тошкент шаҳри филиали бош директори этиб тайинланди. Агзам Избосаров эса «ҲЭТ» бошқарув раиси биринчи ўринбосари бўлди.
Тошкентнинг Олмазор туманида икки кундан ортиқ вақт давомида электр бўлмади
Тошкентнинг Олмазор туманида 17 минг абонент юқори вольтли подстанциядаги авария туфайли икки кундан ортиқ вақт давомида электр таъминотисиз қолди. Бунинг натижасида сув таъминотида ҳам узилишлар юзага келди. Аварияни бартараф этишга электр тармоқларининг 84 нафар ходими жалб қилинди.
Самарқандда ҳамкасбини тўшакка таклиф қилган «электросет» юристи қамоққа олинди
«Ҳудудий электр тармоқлари» АЖ Самарқанд филиали юристи аёл ҳамкасбини тўшакка таклиф этиб, унга таҳдид қилиши ортидан ишдан олинганди. Вилоят прокуратурасига кўра, юрист жуда кўп миқдорда ўзлаштириш ва ҳужжатларни қалбакилаштириш каби жиноятларда гумонланиб, қамоққа олинди.
Самарқандда ҳамкасбини тўшакка таклиф қилгани айтилган «электросет» юристи ишдан бўшатилди
«Ҳудудий электр тармоқлари» АЖнинг Самарқанд ҳудудий филиали юристи шу ерда директор ўринбосари сифатида ишловчи аёлни тўшакка таклиф қилгани, рози бўлмаса, унга қарши жиноят иши очиш билан қўрқитгани айтилмоқда. Вилоят ҳокими ўтказган йиғилишда юрист ишдан олинди. Аёлнинг мурожаати ўрганилмоқда.
Xalq nazorati хизмати орқали ер ва дарахтлардаги электр кабеллари ҳақида хабар бериш мумкин
Дарахтларга осилган ёки ерда ётган электр кабелларини кўрган Тошкент шаҳри аҳолисидан Xalq nazorati портали орқали хабар беришлари сўралмоқда. Ҳокимлик аномал совуқ пайтида тезроқ электр узатиб бериш учун симлар шу тарзда ўтказилганини маълум қилди.
Ўзбекистонда электр энергиясидан қарздорларни тармоқдан узиш бошланади
27 январдан бошлаб электр энергиясидан қарзи бор истеъмолчилар яна автоматик тарзда тармоқдан узилади. Аввалроқ ўчиришлар аномал совуқ об-ҳаво сабаб тўхтатилганди.
Ўзбекистон Тожикистондан қўшимча электр импорт қилишни бошлади
18 январдан бошлаб Сурхондарё вилоятининг қатор туманларига Тожикистон орқали қўшимча электр энергияси етказилмоқда. Ҳудудлар қўшни мамлакатнинг «Регар-500» подстанциясидан чиқувчи 220 кВли кучланиш билан таъминланди.
Қашқадарёда ҳудудий электр тармоқлари ходими ток уриши оқибатида вафот этди
«Қашқадарё ҲЭТК» АЖ Ғузор ТЭТК тезкор чиқиш бригадаси ходими ток уриши оқибатида вафот этди. «Ҳудудий электр тармоқлари» вафот этган электромонтёр «наряддан ташқари ўзбошимчалик билан мавжуд қоидаларни бузган ҳолда симларни ечишга урингани»ни маълум қилди.
«Ҳоким бува, светни ёқинг, биз совқотяпмиз». Уйида чироқ ўчган қашқадарёлик бола масъулларга мурожаат йўллади
Яккабоғ туманида яшовчи 5 ёшли бола уйида чироқ соатлаб ўчаётгани боис масъулларга мурожаат йўллади. Қашқадарё «Ҳудудий электр тармоқлари» АЖ бир қатор ҳудудларда «таъмирлаш ишлари олиб борилиши сабаб электр таъминотида узилиш бўлишини» маълум қилмоқда.
«Ўзбекистонда электр энергияси таъминотида фавқулодда ҳолатларни инобатга олмаса, тақчиллик кузатилмайди» — «Ҳудудий электр тармоқлари»
«Ҳудудий электр тармоқлари» иқтисодчи Отабек Бакировнинг Ўзбекистон электр энергияси таъминотини Грузиядаги тизим билан таққослаб билдирган фикрларига муносабат билдирди. Компаниянинг таъкидлашича, Ўзбекистон электр энергияси таъминотида «фавқулодда ҳолатларни инобатга олмаса, тақчиллик кузатилмайди». Шунингдек, баёнотда иккала мамлакатдаги энергия ишлаб чиқариш манбалари ва истеъмолчилар сони орасидаги тафовутларга эътибор қаратилган.
Энг кўп ўқилган хабарлар | Сўнгги янгиликлар
- «Боғнинг менежери давлат бўлиши нотўғри. Бутун дунёда шунақа» — Тошкент ҳокими (видео)
- «Тақиқлар амалда ишламаяпти». Ўзбекистонда букмекерлик фаолиятини қонунийлаштиришдан мақсад нима? (1)
- Бош прокуратура Ниғматилла Йўлдошев ва қидирувдаги тадбиркор ўртасидаги суҳбат видеосига изоҳ берди
- Ўзбекистон футболчилари U-23 Осиё кубоги ярим финалига чиқди (+ видео)
- Яккасарой тумани ҳокимияти ҳуқуқшуноси мактаб бассейнида чўмилган вақти вафот этди
Қўшимча имкониятларга эга булиш учун сайтда рўйхатдан ўтинг